"Aygün balaca qız idi, onu bəstəkar Ramiz Mirişlinin yanına, "Dan ulduzu" ansanblına mən apardım".
Yenisabah.az yenicag.az-a istinadla xəbər verir ki, bunu müğənni Əli Mirəliyev deyib.
O, vaxtilə Aygünün halını bir dəfə soruşmayan, amma indi onun adı ilə gündəmə gələn, "kədərlənən" müğənniləri tənqid edib: pizza mizza
"Aygün xəstəliklə çarpışanda, çətinliklər yaşayanda harada idiz? Bir dəfə konsert vermək istəyirdi, evini girov qoydu. Heç o konsert də alınmadı, yazıq qız borc içində boğulurdu.
O vaxt heç kim ona dəstək olmadı. Aygün heç yadlarına da düşmürdü, indi yalandan özlərinə əl qatıblar. Aygün getdi, yeri boş qaldı. Onun yerini heç kim doldura bilməz. Bütün sənətkarların yeri boş qalacaq.
Aygün balaca qız idi, onu bəstəkar Ramiz Mirişlinin yanına, "Dan ulduzu" ansanblına mən apardım. Dünən ölüm xəbərini eşidəndə bir onu dedim ki, heyf səndən Aygün, əlimizdən getdin... Hələ də özümə gələ bilmirəm, uşaq kimi ağlayıram...
Bu gün məni söyənlər, sabah mən öləndə də belə edəcəklər. Ağlayacaqlar dalımca... Onda gec olacaq. Sənətkarın qədrini vaxtında bilmək lazımdır. Cabir Novruz demişkən, sağlığında qiymət verin insanlara, öləndən sonra yox".
Telegram kanalımız
