"Erməni məhbusların Azərbaycandan qaytarılması işi mütləq davam edəcəkdir".
Yenisabah.az "Armenian News"a istinadla xəbər verir ki, bunu Rusiyanın Ermənistandakı fövqəladə və səlahiyyətli səfiri Sergey Kopırkin bildirib.
Onun sözlərinə görə, bu məsələ, praktikanın göstərdiyi kimi, həm Rusiya rəhbərliyinin, həm də Rusiya sülhməramlı korpusu komandanlığının prioritetlərindən biridir. “Atılan addımlar buna sübutdur. Mövqeyimiz hamıya bəllidir, əvvəldən bildirilirib, “hamı hamı üçün” prinsipi ilə mübadilə olmalıdır. Mümkün olan şəkildə qərar verəcəyik. Bu məsələ əsas prioritetlər arasında qalır”. pizza mizza
Səfir qeyd edib ki, rus sərhədçiləri artıq Syunik bölgəsindədir və belə bir iştirakın genişləndirilməsi ilə bağlı bir müzakirə var. Onun sözlərinə görə, Ermənistan-Azərbaycan sərhədinin hissələrində vəziyyətin sakit və sabit olmasına kömək edən Rusiya sərhədçilərinin postları yerləşdirilib. “Yerli əhalinin özləri üçün bu yeni, qeyri-adi vəziyyətdə daha rahat hiss etmələri çox vacibdir. Bəli, belə bir varlığı necə genişləndirəcəyimiz barədə bir müzakirə var”.
Sergey Kopırkin əmin edib ki, hər şey Ermənistanın təhlükəsizliyi, sərhəddə sabitliyin təmin edilməsi və üçtərəfli formatda əldə edilmiş mövcud razılaşmaların həyata keçirilməsi maraqları ilə müəyyənləşdiriləcəkdir. “Bu mövzularda əsaslı məsləhətləşmələr var, bu məsələlər, praktik baxımdan da müzakirə olunur. Düşünürəm ki, müvafiq qərarlar verildikdə, bununla bağlı hər şeyi öyrənəcəyik”.
Telegram kanalımız
