Ötən gün Ermənistan Müdafiə Nazirliyinin Azərbaycan tərəfindən əsir götürüldüyünü iddia etdiyi erməni hərbçisi bu gün tapılıb.
Yenisabah.az "Sputnik Armenia"ya istinadən xəbər verir ki, bu barədə Ermənistan MN məlumat yayıb.
Bildirilib ki, axtarışlar nəticəsində tapılan hərbçinin heç bir həyati təhlükəsi yoxdur. pizza
Ermənistan Müdafiə Nazirliyi sözügedən hərbçinin hansı şəraitdə tapıldığını açıqlamasa da, onun "dedovşina"ya dözməyərək, hərbi hissəni özbaşına tərk etdiyi güman olunur.
Qeyd edək ki, dünən Azərbaycan Müdafiə Nazirliyi erməni hərbçinin əsir götürülməsi ilə bağlı iddiaları təkzib etmiş, Ermənistan tərəfinin yaydığı məlumatı yalan adlandırmışdı.
Telegram kanalımız
