İrəvanda keçirilən Avropa çempionatının açılış mərasimində Azərbaycan bayrağının yandırılması ilə bağlı insident səbəbindən Ermənistan ağır atletika üzrə dünya çempionatına ev sahibliyi etmək hüququndan məhrum edilə bilər.
Yenisabah.az xəbər verir ki, bunu Ermənistan mətbuatına ölkənin təhsil, elm, mədəniyyət və idman nazirinin müavini Karen Giloyan deyib.
Giloyanın sözlərinə görə, erməni tərəfi beynəlxalq tərəfdaşlarla danışıqlar aparır və idmançıların fiziki təhlükəsizliyi ilə bağlı heç bir problemin olmadığını sübut etməyə çalışır. Dominos pizza
“Biz vəziyyəti yumşaltmaq üçün hər şeyi etməyə çalışacağıq ki, nəticələr ağır olmasın”, - Giloyan bildirib.
Qeyd edək ki, Avropa Ağır Atletika Federasiyası da hadisəni pisləyib, Avropa çempionatının bütün iştirakçıları üçün əlavə təhlükəsizlik zəmanəti istəyib./Oxu.az
Telegram kanalımız
