Fransada koronavirusa yoluxanların sayı günbəgün artır. Bu səbəblə ölkədə gecə həyatı və spirtli içki istehlakına məhdudiyyət qoyulub.
Yenisabah.az xəbər verir ki, bu barədə ölkənin Daxili İşlər Nazirliyi məlumat yayıb. Açıqlamaya görə, Fransanın yerli saatı ilə 20:00-dan etibarən ictimaiyyətə açıq yerlərdə spirtli içki qadağan edilib. Bar və gecə klublarında isə 00:30-dan 06:00-dək fəaliyyət dayandırılıb.
Fransa Səhiyyə Nazirliyi isə ölkədə son sutka ərzində 6 min 158 nəfərə COVID-19 diaqnozu qoyulduğunu açıqlayıb. Beləliklə, yoluxma sayı 387 min 252 nəfərə çatıb. Ölənlərin sayı 34 nəfər artaraq 30 min 950 nəfər olub. Hazırda Fransada 448 nəfər reanimasiyada olmaqla 2 min 561 nəfər xəstəxanada müalicə altındadır. Toyuqlu pizza
Telegram kanalımız
