Gələn ilin mart ayında Azərbaycanda ardıcıl olaraq 11 gün qeyri-iş günü olacaq.
“Yeni Sabah” xəbər verir ki, bu, 2026-cı il üçün Novruz, Ramazan və Qurban bayramları günləri ilə bağlı təqvimdən irəli gəlir.
Belə ki, Nazirlər Kabineti gələn ilin bayram günlərini müəyyən edib. pizza mizza
2026-cı il mart ayının 20, 21, 22, 23, 24-ü Novruz bayramı, martın 20-21-i Ramazan bayramıdır.
Martın 21-i şənbə, 22-si isə bazar günüdür.
Əmək Məcəlləsinə əsasən həftələrarası istirahət günləri və iş günü hesab olunmayan bayram günləri üst-üstə düşərsə, həmin istirahət günü bilavasitə bayram günündən sonrakı iş gününə keçirilir. Ona görə də martın 25-26-sı (çərşənbə və cümə axşamı) qeyri-iş günləri sayılacaq.
Gələn il martın 20, 21-i Ramazan bayramıdır. Əmək Məcəlləsinə əsasən, Ramazan bayramı iş günü hesab olunmayan başqa bayram günü ilə üst-üstə düşdükdə növbəti iş günü istirahət günü hesab edilir. Qanunvericiliyin tələbinə əsasən, növbəti iş günləri 27 və 30 mart tarixləri də qeyri-iş günü sayılacaq.
Beləliklə, Novruz və Ramazan bayramları ilə əlaqədar 20, 21, 22, 23, 24, 25, 26, 27, 28, 29 və 30 mart qeyri-iş günü olacaq.
Telegram kanalımız
