Mayın 20-də Şri-Lankada kimyəvi maddələrlə dolu gəminin yanması və batması nəticəsində tələf olan dəniz canlılarının sayı hər gün bir az da artır.
Yenisabah.az xəbər verir ki, “X-Press Pearl” adlı gəmi batdığı gündən bəri 176 tısbağa, 20 delfin və 4 balina tələf olub.
Məsələ ilə bağlı mətbuata açıqlama verən Şri-Lanka Ekologiya naziri Mahinda Amaravera bildirib ki, Cənub-Qərbi Muson mövsümü əsnasında dəniz canlıları bu şəkildə ölmür: pizza mizza
“Bu qalıqların çoxu qərb sahillərindədir və bu isə birbaşa gəmi qəzalarının təsirini göstərir”.
Qeyd edək ki, Şri-Lankalı səlahiyyətlilər yanğının ekipajın 11 maydan bəri xəbərdar olduğu bir nitrat turşusu sızıntısından qaynaqlandığını düşünür, gəmi sahibləri də ekipajın sızıntıdan xəbərdar olduğunu təsdiqləyir.
Bu səbəblə ölkədən çıxması qadağan edilən rus kapitan dünən məhkəmə qarşısına çıxıb. Hadisə ilə əlaqədar daha 14 nəfər həbs olunub. Məhkəmə prosesinə 15 iyulda davam ediləcək.
Telegram kanalımız
