Aparıcı-prodüsser Tarix Əliyev (Tolik) sosial şəbəkədə "Tik-Tok" videosu çəkən gənclərdən polisə şikayət edib.
Yenisabah.az xəbər verir ki, görüntüləri "İnstagram" səhifəsində paylaşan Tolik bu tip videolar çəkməyin cinayət olduğunu yazıb:
"Mən bilmirəm bunlar kimdirlər, nəçidirlər, amma bir gənci belə alçaldıb çəkmək cinayətdir! Mən buradan Azərbaycan polisindən xahiş edirəm bunlar tapılıb qanunla cəzalandırılsın. İctimaiyyətə göstərilsin, başqalarına dərs olsun. Belə zarafat olmur! Kimlərsə yazır ki, bu zarafatdır, mən burdan deyirəm, kim belə zarafata razı olar gəlsin, çəkim paylaşım. Bəs bu oğlanın bacısı, anası, atası yazıq deyil? Sabah əsgər gedəcək. Nə oldu, harda lazımsız şeylər var Türklərdən götürürsünüz. Niyə türklərdən bayrağa olan sevgini, vətənə olan sevgini götürmürsünüz?!" pizza mizza
Görüntü izləyicilər tərəfindən birmənalı qarşılanmayıb, onların bəziləri bunun zarafat olduğunu yazıb, bəziləri isə gəncləri sərt tənqid edib.
Həmin görüntüləri təqdim edirik:
Telegram kanalımız
