Gürcüstan hökuməti 2023-cü il iyulun 4-dək Gürcüstandan buğda və arpa ixracını qadağan etmək qərarına gəlib.
Yenisabah.az xəbər verir ki, bu barədə ölkənin kənd təsərrüfatı naziri Otar Şamuqiya məlumat yayıb.
İl ərzində Gürcüstan 700-800 min ton buğda istehlak edir. Ölkə buğdanın əsas hissəsini Rusiya, Qazaxıstan, Ukrayna və ABŞ-dan idxal edir. Bu taxıl idxalının 70%-i Rusiyanın payına düşür. Pepperoni pizza
Şamuqiya bildirib: "Hökumət bu il iyulun 4-dən 2023-cü il iyulun 4-dək Gürcüstandan buğda və arpa idxalını qadağan etmək qərarına gəlib. Hazırkı mərhələdə məhdudiyyətlər qarğıdalı ixracına şamil edilmir".
Nazirin sözlərinə görə, regiondakı vəziyyəti nəzərə alaraq, ərzaq təhlükəsizliyini təmin etmək üçün yerli istehsal olunan buğda və arpanın yalnız daxili bazarda satılması vacibdir.
"Ekologiya və Kənd Təsərrüfatı Nazirliyi buğda və arpa istehsalçıları ilə bir sıra görüşlər keçirib, onların mövqelərini dinləyib. İstehsalçılar mövcud tələbatdan çıxış edərək ölkədə yetişdirilən məhsulu tam reallaşdıra biləcəklər", - Şamugia dedi.
Nazirin sözlərinə görə, Gürcüstanın buğda idxalından tamamilə - ildə 500 min ton asılı olmasına və məhsul ixrac edə bilməməsinə baxmayaraq, mövcud vəziyyət ölkədən hələ də müəyyən miqdarda buğdanın ixrac olunacağı riski yaradır.
Arpaya gəlincə, gürcü arpası İraq və İrana ixrac edilir. Heyvandarlıq, quşçuluq və donuzçuluq sahəsində arpanın indiki mərhələdə yalnız Gürcüstan bazarında satılması vacibdir.
Telegram kanalımız
