Azərbaycan Ordusunun Qarabağda antiterror əməliyyatlarına başlaması ilə bağlı erməni KİV-lərinin yaydığı məlumat ölkədə böyük ajiotaj doğurub.
Yenisabah.az xatırladır ki, təxminən 1 saat öncə Ermənistanın aparıcı KİV-ləri Azərbaycanın Qarabağda antiterror əməliyyatlarına başladığına, bunun nəticəsində düşmən tərəfin ciddi itki verdiyinə dair ardıcıl məlumatlar tirajlayır.
Ermənistan KİV-lərinin iddiasına görə, Qarabağda sülhməramlıların müvəqqəti nəzarətində olan ərazidə qanunsuz erməni silahlı birləşmələrinin 4 hərbçisi ölüb, 15 nəfər isə yaralanıb. Pepperoni pizza
Bu məlumatlar nə dərəcədə doğrudur?
Düşmən mətbuatının yaydığı məlumatların səhihliyinə inanmaq olarmı?
Tanınmış hərbi ekspert, ehtiyatda olan polkovnik Üzeyir Cəfərov Yenisabah.az-a açıqlamasında rəsmi təsdiqini tapmayan xəbərlərə şərh vermək istəmədiyini deyib.
Polkovnik jurnalistlərə və sosial şəbəkə istifadəçilərinə müraciət edərək, onları səbrli olmağa səsləyib:
“Azərbaycan Müdafiə Nazirliyinin açıqlamasını gözləyək”.
Rafi MÜSLÜMOV
Telegram kanalımız
