Premyer Liqa hakimlərindən Ramazan ayında keçirilən oyunlarda fasilə vermələri tövsiyə olunub.
Yenisabah.az xəbər verir ki, bu barədə “Sky Sports” məlumat yayıb. Bu, oruc tutan oyunçuların su içməsi və yemək yeməyi üçün edilməlidir.
Həmçinin hakimlərə tövsiyə olunub ki, oyun zamanı iftar etməli ola biləcək oyunçuları matçlar başlamazdan əvvəl müəyyən etsinlər və onlarla fasilənin təxmini başlama vaxtı barədə razılığa gəlsinlər. pizza sifarişi
Ramazan ayı müsəlmanlar tərəfindən oruc, dua, düşüncə və həmrəylik ayı kimi qeyd olunur. Ramazan ayı bu il martın 22-də başlayacaq və aprelin 21-i axşama qədər davam edəcək.
Qeyd edək ki, Premyer Liqada "Liverpul"dan Məhəmməd Salah, "Çelsi"dən Nqolo Konte kimi müsəlman olan bir çox futbolçu var.
Telegram kanalımız
