İranın yollar və şəhərsalma naziri Rüstəm Qasemi bu gün Bakıya gəlir.
Yenisabah.az IRNA-ya istinadla xəbər verir ki, o, İran-Azərbaycan Müştərək İqtisadi Əməkdaşlıq Komissiyasının 15-ci iclasında iştirak edəcək.
Yola düşməzdən əvvəl Rüstəm Qasemi bildirib ki, İranla Azərbaycan Respublikası arasında ticarət dövriyyəsi son 8 ayda 300 milyon dollara çatıb ki, bunun da 252 milyon dollarını Azərbaycana ixrac təşkil edir. Toyuqlu pizza
Səfər zamanı "Homa" və digər İran şirkətlərinin Azərbaycana uçuşlarının bərpası və uçuş sayının artırılması müzakirə ediləcək. Həmçinin, səhiyyə qaydalarına uyğun olaraq müntəzəm ikitərəfli sərnişin xidmətlərinin fəaliyyətini bərpa etməyin vacibliyi vurğulanacaq.
Bundan başqa, işğaldan azad edilmiş Azərbaycan ərazilərində, o cümlədən Füzuli, Cəbrayıl, Zəngilan və Ağdam rayonlarının yenidən qurulmasında İran şirkətlərinin iştirakı məsələsi ətrafında müzakirələr aparılacaq.
Telegram kanalımız
