Ümumdünya Səhiyyə Təşkilatının (ÜST) açıqlamasına görə koronavirus epidemiyası hələ uzun müddət davam edəcək.
Yenisabah.az “RİA Novosti”yə istinadən xəbər verir ki, bununla bağlı Ümumdünya Səhiyyə Təşkilatının (ÜST) Fövqəladə Hallar Komitəsində keçirilən iclasda bildirilib.
Komitənin iclasında ÜST nümayəndələri pandemiyanın beynəlxalq vəziyyətinin ağır olaraq qalması qənaətinə gəliblər. Dominos pizza
İclasda koronavirus pandemiyası ilə əlaqədar beynəlxalq fövqəladə vəziyyət rejiminin daha üç ay müddətinə uzadılmasına qərar verilib.
Komitə koronavirusla mübarizədə iştirak edənlərə - Ümumdünya Səhiyyə Təşkilatına və tərəfdaşlarına minnətdarlığını bildirib və xəstəliyə qlobal, regional və milli cavabların vacibliyini vurğulayıb.
Qeyd edək ki, dünyada koronavirusa yoluxanların sayı 18 milyona yaxınlaşır. Onlardan 685 786 nəfəri ölüb, 11 264 274 nəfər isə virusdan xilas olub.
Telegram kanalımız
