Sağlam qidalanma və ürək sağlamlığı mövzusunda məsləhətləri ilə tez-tez gündəmə gələn professor Canan Karatay bu dəfə koronovirusun "Eris" ştammına dair xəbərdarlıq edib.
O, payız-qış aylarında immum sistemimizi zireh kimi qoruyacaq qidaların siyahısını açıqlayıb.
Yenisabah.az bu qidaları təqdim edir: pizza sifarişi
Bildirilir ki, turşu, sirkə immum sistemimiz üçün çox vacibdir. Karatay bol sirkə ilə qarqara etməyi məsləhət görüb. Onun sözlərinə görə, bu qarqara ağız boşluğunun selikli qişasında, burunda və qıtlaqda olan virusları öldürür. Sirkə virusları, bakteriyaları, göbələkləri və toksinləri məhv edir.
Son günlər tez-tez gündəmə gələn virusun "Eris" variantından danışan Karatay “Yeni bir virus yoxdur. Bütün viruslar əsrlərdir variant-variant örtüyünü dəyişir. Bu viruslar həmişə var və hərəkətsizdirlər. Bədən sistemimizin müqaviməti qırlanda, bunlar aktivləşir” , - deyə qeyd edib.
Karatay bu aylarda immunitetin güclü qalması üçün vitaminli qidaları qəbul etməyi tövsiyə edib:
“Sümük suyu içməyə çalışmalıyıq. Kəllə-paça yeyə bilməyənlər sümük bulyonu hazırlaya bilərlər. Bədəndə D və C vitamini yüksək olmalıdır”.
Qeyd edək ki, "Eris" ştammı COVİD-19-un Omikron variantının alt növü kimi müəyyən edilib. İlk dəfə 2023-cü ilin fevralında Cənubi Afrikada aşkarlanan Eris virusunun sürətlə dünyanınn digər bölgələrinə yayıldığı bildirilir.
Nəzrin Musayeva
Telegram kanalımız
