Gəncə şəhərində odlu silahla saxlanılan ”Osman Gəncinski” kimi tanınan kriminal avtoritetin cinayət işi baxılması üçün Kəpəz Rayon Məhkəməsinə göndərilib.
“Yeni Sabah”ın məlumatına görə, Cinayət Məcəlləsinin 228.1-ci (Qanunsuz olaraq odlu silah saxlama) maddəsi ilə təqsirləndirilən Mərdanov Osman Təvəkkül oğlunun cinayət işinə hakim Cavid Tağıyev sədrlik edəcək.
Xatırladaq ki, 2020-ci ilin yanvar ayında Gəncə Şəhər Baş Polis İdarəsi Kəpəz Rayon Polis İdarəsinə şəhər sakini, əvvəllər məhkum olunmuş 28 yaşlı Osman Mərdanovun üzərində silah gəzdirməsi barədə əməliyyat məlumatı daxil olub. Pepperoni pizza
Dərhal Mərdanovun izinə düşən asayiş keşikçiləri onu saxlamağa müvəffəq olublar. Polis İdarəsində saxlanılan şəxsin üzərində axtarış aparılan zaman ondan 1 ədəd üstündə “Makarov” sözü yazılan qaz tapançası aşkar olunaraq götürülüb. Davam etdirilən əməliyyat-axtarış tədbirləri ilə Mərdanovun yaşadığı evə də baxış keçirilib, oradan sellofan torbaya bükülmüş, buraxılış ili və nömrəsi silinmiş “Kalaşnikov AK 74” markalı avtomat, həmin silaha aid 30 ədəd 5.45 mm kalibirli avtomat güllələri aşkarlanaraq götürülüb. Saxlanılan Osman Mərdanov Rusiya Federasiyasında quldurluq etdiyi üçün məhkumluq həyatı yaşayıb və kriminal aləmdə “Osman Gəncinski” kimi tanınır. Təqdirləndirilən Osman Mərdanovun sözlərinə görə, Kalaşnikov avtomatını evdə, tapançanı isə üstündə saxlayıb: “Dostlu-düşmənli adamam. Mən kimisə vurmamışam. Silahdır, üstümdə saxlayırdım”.
Azər İsrafilov
Telegram kanalımız
