"KTMT hazırda heç bir ölkə ilə quruma daxil olmaq məsələsində danışıqlar aparmır".
Yenisabah.az "Parlamentari"yə istinadla xəbər verir ki, bunu KTMT-nin baş katibi Stanislav Zas deyib.
“Təşkilatın hüquqi bazası yeni dövlətlərin ona qoşulması prosedurunu nəzərdə tutur. Nizamnamənin 19-cu maddəsinə uyğun olaraq, KTMT-nin məqsəd, vəzifə və prinsiplərini bölüşən və müvafiq öhdəlikləri öz üzərinə götürməyə hazır olan istənilən ölkə üzvlük üçün müraciət edə bilər. KTMT-nin tərəfdaşları və müşahidəçilərinin hüquqi institutu da rəsmiləşdirilib: bizim fikir və məqsədlərimizi bölüşən dövlətlər və beynəlxalq təşkilatlar öz maraqlarını nəzərə almaqla belə status almaq və təhlükəsizliyin təmin edilməsi üzrə ümumi vəzifələrin həyata keçirilməsində iştirak etmək imkanına malikdirlər. pizza mizza
Hazırda heç kimlə belə danışıqlar aparmırıq. Eyni zamanda, biz təşkilat daxilində işi və xarici tərəfdaşlarla əməkdaşlıq alqoritmini elə qurmuşuq ki, öz məsuliyyət sahəmizdə vəziyyətə inamla nəzarət edək”, - deyə Zas müsahibəsində qeyd edib.
KTMT üçün hansı müasir çağırış və təhdidlərin daha çox aktual olduğu və onların zərərsizləşdirilməsi perspektivləri barədə danışan Zas vurğulayıb:
"Qurum dövlətlərinin təhlükəsizliyinə çağırış və təhdidləri təhlil edərək, biz KTMT yaxınlığında mövcud olan münaqişə zonalarını sadaladıq. Ölkələrimizin sərhədləri - NATO-nun Mərkəzi və Şərqi Avropada aktivləşməsi, Dağlıq Qarabağdakı münaqişə, Əfqanıstandakı vəziyyətlə bağlı risklər. Bu gün biz qlobal təhlükəsizlik sisteminin böhranını təəssüflə qeyd edə bilərik: onilliklər ərzində mövcud olan razılaşmalar artıq qüvvədə deyil, bir sıra aparıcı oyunçular arasında etimadsızlıq səviyyəsi kritik həddə çatıb. Eyni zamanda, yuxarıda qeyd olunan regional çağırışlar və təhdidlər nəinki öz şiddətini itirməyib, əksinə, artan qlobal qeyri-müəyyənlik səbəbindən kəskinləşməyə meyllidir”.
Onun sözlərinə görə, KTMT-nin prinsipial mövqeyi dəyişməz olaraq qalır: “Biz bütün mövcud ziddiyyətlərin siyasi həllinin zəruriliyinə əminik və beynəlxalq təhlükəsizliyin vəziyyətinin asılı olduğu bütün qüvvələri buna çağırırıq. Bununla yanaşı, təşkilata üzv dövlətlərdə sülhün və sabitliyin möhkəmləndirilməsi üçün bütün lazımi tədbirləri görür və onların maraqlarını 7/24 qorumağa hazırıq”.
Telegram kanalımız
