Xəbər verdiyimiz kimi, yanvarın 31-də Kür çayının Mingəçevir şəhəri ərazisindən keçən hissəsində qayıq batıb və iki nəfər itkin düşüb. Bu gün itkin düşənlərdən 1995-ci il təvəllüdlü Sadıxbəyli Ramin Qaçay oğlunun meyiti tapılaraq aidiyyəti üzrə təhvil verilib.
Yenisabah.az xəbər verir ki, Ramin Sadıxbəyli Vətən müharibəsi iştirakçısı olub. O, döyüşə Səfərbərlik xidmətinin çağırışı ilə yollanıb. Zəngilan, Qubadlı istiqamətində gedən döyüşlərdə iştirak edən Sadıxbəyli, yanvarın əvvəlində tərxis olunaraq evə qayıdıb.
Məlumata görə, Bakıda yaşayan Ramin Mingəçevirə qonaq gedibmiş. O, sabah paytaxtda torpağa tapşırılacaq. pizza mizza
Qeyd edək ki, hadisə nəticəsində itkin düşən digər şəxs - 1980-ci il təvəllüdlü Yusifov Səfxan Aydın oğlunun axtarışları davam etdirilir.
/Qafqazinfo
Telegram kanalımız
