Kürdəmirdə yol-nəqliyyat hadisəsi olub, ölən və xəsarət alan var.
APA-nın yerli bürosunun xəbərinə görə, hadisə Ağsu-İmişli-Kürdəmir avtomobil yolunun rayonun Sorsor kəndindən keçən hissəsində baş verib. "VAZ-2107" markalı maşınla "Chevrolet" markalı maşın toqquşub. Nəticədə Kürdəmir rayon sakini, 1972 -ci il təvəllüdlü Rafiq Musa oğlu Kərimov hadisə yerində həyatını itirib. Oğlu, 2004-ci il təvəllüdlü Xəyal Rafiq oğlu Kərimov isə müxtəlif xəsarətlərlə Kürdəmir Rayon Mərkəzi Xəstəxanasına yerləşdirilib.
Faktla bağlı araşdırma aparılır. pizza hut
Telegram kanalımız
