Kürdəmirdə bir neçə nəfərin xəsarət alması ilə nəticələnən yol-nəqliyyat hadisəsi baş verib.
"Yeni Sabah" "Report"a istinadla xəbər verir ki, hadisə Bakı-Qazax yolunun rayonun Atakişili kəndindən keçən hissəsində qeydə alınıb.
Belə ki, 32 yaşlı sürücü Pərvanə Əliyeva Bakı istiqamətində hərəkət edərkən "Toyota" markalı avtomobillə idarəetməni itirib. Nəticədə maşın yoldan çıxaraq aşıb. Dördpendirli pizza
Qəza zamanı avtomobildə olan 31 yaşlı Akif Əliyev, 66 yaşlı Təranə Xəlilova və 19 yaşlı Aytən Xasıyeva müxtəlif dərəcəli ağır xəsarətlər alıblar.
Yaralılar təcili tibbi yardım maşını ilə Kürdəmir Rayon Mərkəzi Xəstəxanasına çatdırılıblar.
Hadisənin başvermə səbəbi araşdırılır.
Telegram kanalımız
