Ermənistan təbliğatının durmadan bütün dünyaya Azərbaycanın Qarabağdakı döyüşlərə Suriyadan muzdlular cəlb etdiyi haqda saxta xəbərlər tirajladığı bir vaxtda düşmən ölkənin tərəfində döyüşmək üçün Livandan yüzlərlə “ASALA” terrorçusunun gətirildiyi məlum olub. “Yeni Sabah” xəbər verir ki, bu haqda “Novaya qazeta” yazıb.
Qəzetin yazdığına görə, Suriya erməniləri, əsasən Bəşər Əsədin tərəfdarları Ermənistanı dəstəkləmək üçün Dağlıq Qarabağa yola düşür. Onları qonşu Livandan olan ermənilər də dəstəkləyir.
“Livan Daxili İşlər Nazirliyinin qapalı informasiyasına görə son günlər bu ölkədən 500-ə yaxın etnik erməni Dağlıq Qarabağdakı döyüş meydanına getmək üçün Livanı tərk edib”,-qəzet yazır. pizza sifarişi
Xatırladılır ki, Livanda uzun illər türklərə qarşı partizan müharibəsi aparan silahlı erməni qruplaşmaları fəaliyyət göstərib. Məsələn, ASALA terror təşkilatı 1975-ci ildən 1990-cu ilə qədər fəaliyyət göstərib, daha sonra silahlı mübarizədən əl çəkib siyasi mübarizəyə keçdiyini elan edib. /Virtualaz.org
Telegram kanalımız
