Azərbaycan millisinin futbolçusu Mahir Emrelinin icarə əsasında çıxış etdiyi "Konyaspor" Türkiyə Super Liqasında 2022/2023 mövsümünü heç-heçə ilə başa vurub.
Yenisabah.az xəbər verir ki, sonuncu turda "Beşiktaş"ın qonağı olan Konya təmsilçisi məhsuldar heç-heçəyə razılaşıb - 3:3.
Oyuna sonradan daxil olan Mahire Emreli 47-ci dəqiqədə fərqlənməyi bacarıb.
Bu nəticədən sonra xallarını 41-ə çatdıran "Konyaspor" çempionatı 8-ci pillədə başa vurub. "Beşiktaş" isə 2-ci olmaq şansını əldən verərək, 78-ci xalla "Fənərbağça"dan sonra 3-cü yeri tutub.
Qeyd edək ki, Mahir Emreli müqavilə ilə Xorvatiyanın "Dinamo" (Zaqreb) klubuna məxsusdur.
Telegram kanalımız
