Meksikanın şimal-şərqindəki Tamaulipas ştatında yerləşən Matamoros şəhərində silahlı şəxslər tərəfindən qaçırılan ABŞ vətəndaşlarından 2-si öldürülüb.
Bu barədə “Report” xarici mətbuata istinadən xəbər verir.
Tamaulipas ştatının qubernatoru Ameriko Villarreal ABŞ vətəndaşlarından daha 2-nin xilas edildiyini bildirib. pizza hut
Qubernator sağ qalan ABŞ vətəndaşlarından birinin yaralı olduğunu qeyd edib. Məlumatlı mənbə mətbuata bildirib ki, sağ qalan kişi və qadın sağ-salamatdır və aidiyyəti orqanların nəzarəti altındadırlar.
Meksika Prezidenti Andres Manuel Lopes Obrador adam oğurluğu ilə bağlı bir nəfərin həbsdə olduğunu bildirib. ABŞ mətbuatı qaçırılan şəxslərin adlarını açıqlayıb.
ABŞ-ın Federal Təhqiqat Bürosu silahlı şəxslər tərəfindən qaçırılan amerikalıların ekstradisiyası və cinayətkarların həbsi üçün 50 min dollar mükafat vəd etmişdi.
Adam oğurluqları və digər cinayət hadisələrinin tez-tez baş verdiyi Tamaulipas əyalətindəki Matamoros şəhəri ABŞ Dövlət Departamentinin Meksikaya səyahət məsləhətləri siyahısında "Səviyyə 4: Səyahət etməyin" kateqoriyasındadır.
Telegram kanalımız
