Məşhur futbolçu Mahir Emreli ilə yanaşı 12 nəfərin evindən oğurluq edən gənclərin cinayət işi baxılması üçün Bakı Ağır Cinayətlər Məhkəməsinə göndərilib.
“Yeni Sabah”ın məlumatına görə, Cinayət məcəlləsinin 177.3.2-ci ( oğurluq- külli miqdarda ziyan vurmaqla törədildikdə) maddəsi ilə təqsirləndirilən Vəliyev Nicat Bağban oğlu və Cəfərov Anar Məcnun oğlunun cinayət işi hakim Azər Paşayevin icraatına verilib.
İttiham aktına görə, 2019-cu ilin sentyabr ayında keçirilmiş əməliyyat-istintaq tədbirləri nəticəsində Qazax rayon sakinləri, əvvəllər qəsdən sağlamlığa ağır xəsarət yetirmə maddəsi ilə məhkum edilmiş Nicat Vəliyev və Anar Cəfərov saxlanılıblar. Faktla bağlı Binəqədi Rayon Polis İdarəsində Cinayət Məcəlləsinin oğurluq maddəsi ilə cinayət işi başlanıb. Sezar pizza
Qeyd edək ki, məşhur futbolçunun Sulutəpə qəsəbəsində yerləşən evindən 17 min manat, 20 min dollar, üç ədəd mobil telefon və beş min manat dəyərində qızıl-zinət əşyaları oğurlanıb.
Qeyd edək ki, Mahir Emreli futbol üzrə Azərbaycan millisinin və "Qarabağ" klubunun hücumçusudur.
Azər İsrafilov
Telegram kanalımız
