Yay aylarında xüsusilə çox istehlak olunan yemiş və qarpızın sağlamlığa təsiri ilə bağlı narahatedici bir xəbər yayılıb.
Hər il olduğu kimi, bu il də meyvə-tərəvəzlərin tərkibindəki nitrat miqdarı cəmiyyətin diqqət mərkəzindədir. Lakin terapevt və psixoloji mütəxəssis Aysel Qasımovanın paytaxt supermarketlərindən birində satılan yemişlə bağlı paylaşdığı görüntü vəziyyətin düşündüyümüzdən daha təhlükəli ola biləcəyini ortaya qoyub.
Mütəxəssisin sosial şəbəkədə yayımladığı məlumata görə, bəzi meyvələrin tərkibində insan sağlamlığı üçün icazə verilən həddən dəfələrlə artıq nitrat müəyyən olunub. Bu isə xüsusilə hamilə qadınlar, azyaşlı uşaqlar və zəif immun sisteminə sahib şəxslər üçün ciddi risk yaradır. Dördpendirli pizza
Yenisabah.az məsələ ilə bağlı Azərbaycan Qida Təhlükəsizliyi Agentliyinə sorğu göndərib.
Qurum məsələyə operativ yanaşdığını və lazimi tədbirlərin görüləcəyini bildirib:
"Qeyd etdiyiniz məsələ nəzarətə götürülüb. Məsələ araşdırıldıqdan sonra qanunvericiliyə uyğun müvafiq tədbirlər görüləcək".
Aydan Hacı
Telegram kanalımız
