Beynəlxalq Sambo Federasiyası Azərbaycan millisinin iki məşqçisi və bir idmançısını cəzalandırıb.
Yenisabah.az oxu.az-a istinadən xəbər verir ki, sambo millimizin üzvü Emil Həsənov yarışlardan bir illik kənarlaşdırılıb.
Həmçinin böyüklərdən ibarət millimizin baş məşqçisi Bəxtiyar Hacıyev iki, yeniyetmə və gənclərdən ibarət yığmamızın baş məşqçisi Yaqub Abdullayev dörd il müddətinə cəzalandırılıb. Dominos pizza
Qeyd edək ki, onların cəzalandırılması mayın sonlarında Kiprin Limassol şəhərində keçirilmiş yeniyetmə, gənclər və böyüklər arasında Avropa çempionatı ilə bağlıdır. Həmin vaxt 71 kq çəki dərəcəsinin finalında Emil Həsənovla Rusiya samboçusu Məhəmməd Hacıyev arasında görüş keçirilib. Hakimlər ağrıdıcı fəndlə qalib gəldiyini əsas gətirərək qələbəni Rusiya idmançısına verib.
Bu isə Azərbaycan nümayəndə heyətinin narazılığına səbəb olub və sərt şəkildə bu qərara etiraz ediblər. Nəticədə bütün millimiz yarışdan diskvalifikasiya olunub.
Telegram kanalımız
