Missiyamıza 103 nəfər daxildir. Vəzifəmiz bölgədə Aİ-nin gözü və qulağı olmaqdır.
Yenisabah.az xəbər verir ki, bunu Aİ-nin Ermənistandakı mülki monitorinq missiyasının (EUMA) rəhbəri Markus Ritter "APRI Ermənistan" analitik mərkəzinin “Qeyri-müəyyənlik şəraitində irəliləyiş” konfransında bildirib.
Onun sözlərinə görə, müşahidəçilər arasında hərbçilər olmasa da, keçmiş polislər və keçmiş sərhədçilər var. Sezar pizza
“Aİ-nin 27 ölkəsindən missiyaya 24 ölkənin nümayəndələri daxildir. Ümid edirik ki, başqaları da qoşulacaq, vakansiyalar var. Hazırkı razılaşmalara əsaslanan missiya 2025-ci ilin dekabrına qədər fəaliyyət göstərəcək.
Biz də anlaşılmazlıqların qarşısını almaq üçün fəaliyyətimiz barədə Bakıya məlumat veririk. Amma biz monitorinqin nəticələrini nə Ermənistana, nə də Azərbaycana yox, yalnız Aİ-nin qərargahına təqdim edirik”, - deyə o əlavə edib.
Aİ nümayəndəsi vurğulayıb ki, sentyabr hadisələrindən sonra monitorinq missiyası ilə bağlı müzakirələr aparılıb, lakin bu məsələ ABŞ-ın missiyaya qoşula biləcəyi məsələsi kimi Brüsselə də ünvanlanmalıdır.
Telegram kanalımız
