“Sabah”ın futbolçusu Namik Ələskərov Azərbaycan çempionatlarında 200-cü oyununu keçirib.
Yenisabah.az PFL-in saytına istinadən xəbər verir ki, onun yubileyi Misli Premyer Liqasının 14-cü turuna təsadüf edib.
28 yaşlı yarımmüdafiəçi “Qarabağ”la ev matçına start heyədə çıxıb. O, 200 qarşılaşmada 38 qola imza atıb. pizza hut
Namik Premyer Liqada 2011/12 mövsümündə “Bakı”nın heyətində debüt edib. Yarımmüdafiəçi paytaxtın eyniadlı klubunda 19 (2 qol), “Qarabağ”da 25 (1 qol), “Kəpəz”də 15 (3 qol), “Neftçi”də 105 (29 qol), “Sabah”da 36 (3 qol) oyunda iştirak edib.
Qeyd edək ki, Ələskərov Azərbaycan çempionatları tarixində 200 və daha çox matç keçirən 148-ci futbolçudur.
Telegram kanalımız
