Təhsil naziri Ceyhun Bayramov şagirdlərə və valideynlərə videomüraciət edib.
Yenisabah.az xəbər verir ki, nazir UNESCO-nun məlumatına istinad edərək hazırda dünyada 100-dən çox ölkədə 800 milyondan artıq şagird və tələbənin təhsildən kənarda qaldığını bildirib: “Bir çox ölkələrdə koronavirus infeksiyası insanların gündəlik həyatına mənfi təsir edib, məktəblər və digər təhsil ocaqları bağlanıb. Bu təsir ölkəmizdən də yan keçməyib. Bu səbəbdən bütün təhsil müəssisələrində təlim və tədris prosesi dayandırılıb. Hər gün məktəbə getməyə vərdiş etmiş uşaqlarımız hazırda evdədilər. Lakin biz onların təhsildən geri qalmaması, vaxtlarını səmərəli keçirməsi məqsədilə məsafədən tədrisin təşkili ilə bağlı bir addım atdıq. Martın 11-dən etibarən “Mədəniyyət” və “ARB Günəş” kanallarında “Dərs vaxtı” verilişi çərçivəsində teledərslərin yayımına start verildi. Teledərslər bütün sinifləri və əksər fənləri əhatə etdi. Ümidvaram ki, bizim şagirdlərimiz bu fürsətdən istifadə edərək sinif otaqlarında keçməli olduqları dərsləri ev şəraitində müəllimlərin verdikləri izah və təlimatlara uyğun olaraq yerinə yetirərəcək, tədrisdə yaranan fasilədən sonra sinif otaqlarına hazırlıqlı qayıdacaqlar”.
Ceyhun Bayramov əlavə edib ki, bu işdə valideynlər övladlarına yaxından dəstək olmalı, onların ev şəraitində təhsilə vaxt ayırmalarına şərait yaratmalıdılar. O, həmçinin yaxın zamanlarda təhsil müəssisələrində dərs prosesinin bərpa olunacağından əminliyini ifadə edib. Marqarita pizza
Telegram kanalımız
