Paris-2024 Yay Olimpiya Oyunlarının 2-ci günündə Azərbaycan milli komandasının daha iki cüdoçusu mübarizəyə başlayıb.
Yenisabah.az xəbər verir ki, ilk olaraq tatamiyə 66 kq. çəki dərəcəsində yarışan Yaşar Nəcəfov çıxıb. 1/16 finalda onun rəqibi Serbiya cüdoçusu, Avropa çempionatının bürünc mükafatçısı Strahinya Bunçiç olub. Bunçiç vaza-ari xalı ilə qalib gəlib (1:0).
Beləliklə, Y.Nəcəfov elə ilk görüşdən sonra Paris-2024-də mübarizəni başa vurub. Toyuqlu pizza
***
Az sonra mübarizəyə 1/16 finaldan Azərbaycanın daha bir idmançısı - qadın cüdoçu, 24 yaşlı Gültac Məmmədəliyeva (bir neçə Qran-pri turnirinin bürünc mükafatçısı) tatamiyə çıxacaq.
52 kq. çəki dərəcəsində yarışan Məmmədəliyevanın rəqibi ABŞ-ı təmsil edən Anjelika Delqado olacaq. 33 yaşlı Delqado Panamerikan oyunlarında bir neçə dəfə gümüş və bürünc medal qazanıb.
Xatırladaq ki, Paris-2024-ün ilk günündə mübarizəyə qoşulmuş Azərbaycan cüdoçuları Leyla Əliyeva (48 kq) və Baləbəy Ağayev (60kq) ilk görüşlərində uduzaraq mübarizəni medalsız başa vurublar.
Telegram kanalımız
