“Neftçi” – “Bney Yehuda” matçında hakim təyinatları

Avropa Liqasının üçüncü təsnifat mərhələsində keçiriləcək "Neftçi” – "Bney Yehuda” matçına hakim təyinatları açıqlanıb.

“Yeni Sabah” xəbər verir ki, oyunu fransalı hakim Kərim Abed idarə edəcək. Ona Hiçam Zakrani və Mikael Berçebru kömək edəcəklər. Dördüncü hakim funksiyasını Floran Batta yerinə yetirəcək. UEFA nümayəndəsi İonel Piskanu (Rumıniya), hakim-inspektor isə Kyell Alset (Norveç) olacaq.

Qeyd edək ki, avqustun 8-i "Bakcell Arena”da keçiriləcək "Neftçi” – "Bney Yehuda” oyunu saat 21:00-da başlayacaq.