Avropa Liqasının II təsnifat mərhələsinin iştirakçılarının adına böyük ölçüdə aydınlıq gəlib.
Yenisabah.az xəbər verir ki, I təsnifat mərhələsinin 47 cütündən 45-də turu adlayan komanda bəlli olub.
Bu isə o deməkdir ki, II təsnifat mərhələsində mübarizə aparacaq 72 komandadan 70-i məlumdur. Onlardan 25-i ilk raunddan azad olan klublardır. Dominos pizza
Bu 70 komandanın avqustun 31-də keçiriləcək püşkatmada hansı səbətdə yer alacağı indidən bəllidir. Çünki baş tutmayan cütlərdəki klublar aşağı reytinqli olduğundan mərhələ adlayacaq tərəf səpələnməmişlər sırasında yer alacaq.
Mərhələ adlayan Azərbaycan klubu “Neftçi” də səpələnməmişlər sırasında olacaq. Bakılıların mümkün rəqibləri sırasında “Tottenhem”, “Milan”, “Volfsburq” kimi komandalar da var.
Telegram kanalımız
