Bakının “Neftçi” klubu növbəti transferini həyata keçirib.
Yenisabah.az kluba istinadən xəbər verir ki, fransalı futbolçu Ervin Koffi ilə ikiillik müqavilə bağlanıb.
İyirmi səkkiz yaşlı sağ cinah müdafiəçisi komandanın heyətində 99 nömrəli formanı geyinəcək. pizza mizza
Ervin Koffi Fransanın “Şatoru” (2015-ci il), “Loryan” (2015-2018), “Pau” (2020-2023), Kiprin “Anortosis” (2018-2020) və “Olimpiakos” (Nikosiya, 2020) klublarında çıxış edib. Əslən Kot-d’İvuardan olan Koffi 2016-cı ildə bu ölkənin U-23 milli komandasının heyətində 1 oyun keçirib.
Qeyd edək ki, “Neftçi” bundan əvvəl milli komandamızın üzvləri - qapıçı Emil Balayev, Xorvatiya əsilli yarımmüdafiəçi Filip Ozobiç, mərkəz müdafiəçiləri – braziliyalı Yuri Matias və macarıstanlı Mark Tamaş, eləcə də təcrübəli dayaq yarımmüdafiəçisi Qara Qarayevlə anlaşıb.
Telegram kanalımız
