Vaşinqton Moskva və Kiyev arasında danışıqlara başlamaq üçün çox böyük səylər göstərib və bu, emosional həddən artıq yüklənmə deməkdir.
Yenisabah.az RBK-ya istinadla xəbər verir ki, bunu Rusiya liderinin mətbuat katibi Dmitri Peskov bildirib.
O, ABŞ prezidenti Donald Trampın rusiyalı vəzifədaşı Vladimir Putinin Ukraynadakı hərəkətlərindən narazılığını belə şərh edib: Marqarita pizza
"Əlbəttə, Amerika tərəfinin böyük səy göstərdiyi danışıqlar prosesinin başlanması çox mühüm nailiyyətdir. Biz amerikalılara və şəxsən prezident Trampa danışıqlar prosesinin təşkili və başlanmasında göstərdikləri köməyə görə minnətdarıq. Bu, tamamilə hər kəs üçün emosional yüklənmə ilə bağlı olan çox vacib məqamdır və biz hamımızın emosional reaksiyasını yaxından izləyirik".
Bundan əvvəl Tramp “Truth” sosial şəbəkəsində Rusiya Silahlı Qüvvələrinin Ukraynanın 13 regionuna 12 nəfərin ölümü və 60-dan çox yaralanması ilə nəticələnən kütləvi hücumuna görə Putini kəskin tənqid edib:
"Rusiyalı Vladimir Putinlə həmişə çox yaxşı münasibətim olub, amma ona nəsə olub. O, ağlını tamamilə itirib! Lazımsız yerə çoxlu adam öldürür və mən təkcə əsgərləri demirəm. Heç bir səbəb olmadan Ukrayna şəhərlərinə raketlər və pilotsuz təyyarələr atılır. Mən həmişə demişəm ki, o, BÜTÜN Ukraynanı ələ keçirmək istəyir. Bu, Rusiyanın süqutuna səbəb olacaq!”
Telegram kanalımız
