Rəşad Fail oğlu İsmayılov Azərbaycan Respublikasının Oman Sultanlığında fövqəladə və səlahiyyətli səfiri təyin edilib.
Yenisabah.az oxu.az-a istinadla yeni təyin olunan səfirin dosyesini təqdim edir:
Rəşad Fail oğlu İsmayılov 7 iyun 1974-cü ildə Bakı şəhərində ziyalı ailəsində anadan olub. 1991-ci ildə Bakı şəhəri M.Rahim adına 7 saylı orta məktəbi qızıl medalla, 1996-cı ildə Bakı Dövlət Universitetinin hüquq fakültəsinin əyani şöbəsini fərqlənmə diplomu ilə, 2003-cü ildə Azərbaycan Dövlət İqtisad Universitetinin Maliyyə və Kredit fakültəsini bitirib. pizza hut
O, 1996-2003-cü illərdə Həyat Qeyri Hökümət Təşkilatının Beynəlxalq Hüquq Departamentinin rəisi olub. 2003-2005-ci illərdə BMT-nin Azərbaycan Nümayəndəliyinin “Yoxsulluğun aradan qaldırılması üzrə İnkişaf Proqramı”nın layihə rəhbəri olub. “Milli Sosial Müdafiə Sisteminin İnkişaf Proqramı”nın koordinatoru, Azərbaycan Hökuməti ilə BMT-nin İnkişaf Proqramı arasında imzalanmış “Milli Sosial Müdafiə Sisteminin İnkişafı” layihəsi üzrə ölkənin məşğulluq strategiyasının hazırlanmasında yaxından iştirak edib.
2008-2009-cu illərdə Latviyanın Parex Bankının törəmə müəssisəsi olan “Parex Leasing and Factoring” MMC-də biznesin inkişafı üzrə Baş Direktorun müavini, həmcinin Latviya-Azərbaycan Ticarət Palatasının rəhbəri olub.
2009-2010-cu illərdə Bank VTB-də (Azərbaycan) Korporativ müştərilərlə iş üzrə departamentin direktoru olub.
2011-2015-ci illərdə SOCAR – “Ekol Mühəndislik Xidmətləri” QSC-də baş direktorun müavini olub.
2015-ci ildə Prezident İlham Əliyev ona ikinci dərəcəli Fövqəladə və Səlahiyyətli Elçi diplomatik rütbəsi verilib və Azərbaycan Respublikasının Gürcüstanın Batumi şəhərindəki Baş Konsulu təyin olunub.
2018-də Azərbaycan Respublikasının Qətər Dövlətində fövqəladə və səlahiyyətli səfiri vəzifəsinə təyin olunub.
Evlidir, iki övladı var.
İngilis, türk və rus dillərini bilir.
Telegram kanalımız
