"Respublika Diaqnostika Mərkəzi" ASC-nin səhmdarlarının növbədənkənar ümumi yığıncağı çağırılıb.
"Yeni Sabah" xəbər verir ki, toplantı noyabrın 25-nə təyin olunub.
Yığıncaq cəmiyyətin inzibati binasının yerləşdiyi Bakı şəhəri, Tbilisi prospekti, 147 ünvanında keçiriləcək. Dördpendirli pizza
Toplantının gündəliyinə "Respublika Diaqnostika Mərkəzi" ASC-yə yeni baş direktorun seçilməsi daxildir.
Qeyd edək ki, indiyə qədər "Respublika Diaqnostika Mərkəzi"nə keçmiş səhiyyə naziri, oktyabrın 3-də vəfat etmiş Oqtay Şirəliyev rəhbərlik edib.
Onun vəfatından sonra - oktyabrın 9-da ASC-nin növbədənkənar ümumi yığıncağı çağırılmışdı. Həmin toplantının gündəliyində bir məsələ vardı - baş direktorun seçilməsi. Görünür yığıncaqda seçki baş tutmayıb. Ona görə də "Respublika Diaqnostika Mərkəzi" səhmdarlarının eyni gündəliklə yeni yığıncağı çağırılıb.
Aytac Əliyeva
Telegram kanalımız
