Otto Hauzer: “Onlar Rusiyanı müharibəyə cəlb etməyə çalışırlar“

Otto Hauzer: “Onlar Rusiyanı müharibəyə cəlb etməyə çalışırlar“

Hadisə Veb saytların hazırlanması

06 Noyabr 2020 11:17 725


"Ermənistanın müharibəni dayandırıb işğal olunmuş bütün torpaqları qaytarmasının vaxtı çatıb. Ermənilər onlara məxsus olmayan, qanunsuz işğal etdikləri torpaqlar uğrunda ölürlər".

Yenisabah.az xəbər verir ki, bunu Azərbaycanın Almaniyadakı fəxri konsulu Otto Hauzer deyib.

Onun fikrincə, Ermənistanın baş naziri Nikol Paşinyan indi "Qarabağ klanı"nın güclü siyasi təzyiqi altındadır:

"Ermənistan əvvəl-axır başa düşməlidir ki, beynəlxalq hüquq öz müqəddəratını təyin etmək hüququndan daha üstündür. Dağlıq Qarabağ dünyanın heç bir ölkəsi, o cümlədən Ermənistanın özü tərəfindən tanınmır. Belə olan halda işğalı davam etdirməyin mənasını başa düşmürəm", - o söyləyib.

Onun sözlərinə görə, cəbhə xəttindən xeyli uzaqda yerləşən Azərbaycan şəhərlərinin raket atəşinə tutulması ilə Ermənistan tərəfi Azərbaycanı Ermənistan ərazisinə cavab zərbəsi endirməyə təhrik edir, təxribat törədir.

"Bununla onlar Rusiyanı müharibəyə cəlb etməyə çalışırlar. Çünki Rusiya onların müttəfiqidir. Bu, ermənilərin çarəsizliyindən xəbər verir. Buna görə insanların ölməsi dəhşətlidir. İndi Ermənistanın torpaqları Azərbaycana qaytarmaq, sülh yaratmaq üçün şansı var", - O.Hauzer deyib. (Report)


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!