Özbəkistanın gənclərdən ibarət millisi 17 yaşadək futbolçulardan ibarət komandalar arasında dünya çempionatının 1/8 final mərhələsində İngiltərə yığmasını məğlub edib.
Yenisabah.az xəbər verir ki, noyabrın 22-də İngiltərəyə qarşı keçirilən görüş 2:1 hesabı ilə başa çatıb.
Artıq 4-cü dəqiqədə hesab açılıb. Yarımmüdafiəçi Amirbek Saidov fərqlənib. 35-ci dəqiqədə İngiltərə millisi Joel Ndalanın qolu ilə hesabı bərabərləşdirib. 67-ci dəqiqədə cərimə zərbəsini Lazizbek Mirzəyev dəqiq yerinə yetirib və komandasının qələbə qolunu vurub. pizza mizza
Nəticədə Özbakıstan yığması 1/4 finala yüksəlib. Yığma 2011-ci ildə də eyni uğura imza atmışdı.
Özbəkistan 1/4 finalda Fransa-Seneqal cütünün qalibi ilə qarşılaşacaq.
Telegram kanalımız
