Ermənistanın Gorus şəhərinin meri Aruş Aruşanyan barəsində 2 ay müddətinə həbs qətimkan tədbiri seçilib.
Yenisabah.az Modern.az-a istinadla xəbər verir ki, bu barədə onun vəkili Armen Melkonyan iyulun 16-da jurnalistlərə bildirib.
Məlumata görə, Aruşanyana qarşı 5 maddə üzrə ittiham irəli sürülüb. O, vəzifə səlahiyyətlərindən sui-istifadədə, qanunsuz sahibkarlıq fəaliyyəti ilə məşğul olmaqda, dövlətə və ya ayrı-ayrı şəxslərə, yaxud təşkilatlara iri məbləğdə ziyan vurmaqda, uyğun layihələrdən yayınmaqda, insan sağlamlığına zərər vumaqda, ətraf mühiti çirkləndirməkdə, faydalı qazıntı yataqlarını qanunsuz istismar etməkdə və s. ittiham olunur. Dominos pizza
Qeyd edək ki, ötən il dekabrın 21-də Ermənstanın Baş naziri Nikol Paşinyan Sisian, Gorus, Qafan və Meğriyə səfər planlaşdırmışdı. Ancaq yollar bağlanıldığından Gorusa gedə bilməmiş, kəndlərdən birində sakinlərlə görüşmüşdü.
Xatırladaq ki, Sisianın meri Artur Sarkisyan da iyulun 16-sı gecə yarısı həbs edilib.
Həbs olunan hər iki mer Nikol Paşinyana müxalifətdə olanları dəstəkləyənlərdən, Baş nazirin regiona səfərinin boykotunu təşkil edənlərdən sayılırlar.
Telegram kanalımız
