Ermənistanın müxalifət qüvvələri İrəvanda baş naziri Nikol Paşinyanın istefasını tələb edərək növbəti etiraz aksiyasını keçiriblər.
Yenisabah.az "RİA Novosti"yə istinadla xəbər verir ki, 35 etirazçı saxlanılaraq polis bölməsinə aparılıb.
Bildirilib ki, aksiya zamanı etirazçılar İrəvanın mərkəzi prospektlərindən birini bağlamağa çalışsalar da, polisin müdaxiləsi nəticəsində qarşısı alınıb. Kütlənin bir hissəsi hökumət binasına doğru yürüş ediblər. Dördpendirli pizza
Qeyd edək ki, İrəvanda müxalifətin etiraz mitinqləri davam edir. Nümayişçilər Paşinyanın Dağlıq Qarabağda atəşkəsə dair müqavilə imzalaması səbəbindən onun istefasını tələb edirlər.
Xatırladaq ki, ötən gün də İrəvanda aksiya zamanı 30-dan çox etirazçı polis tərəfindən saxlanılıb.
Telegram kanalımız
