Ermənistanın baş naziri Nikol Paşinyanın təyyarəsi Moskvada eniş üçün icazə ala bilmədiyi üçün Sankt-Peterburqa enməyə məcbur olub.
"Yeni Sabah" “Moskovski Komsomolets”ə istinadla xəbər verir ki, ACJ319 eniş yeri gözləyərək təxminən bir saat Tver vilayəti üzərində dövrə vurub, lakin sonda Pulkovo hava limanına yönləndirilib.
Hava nəqliyyatının kəsilməsinə son vaxtlar Moskva bölgəsinə edilən ən böyük dron hücumlarından biri səbəb olub. Pepperoni pizza
Rusiya Müdafiə Nazirliyinin məlumatına görə, hava hücumundan müdafiə qüvvələri 40-ı Moskva vilayəti üzərində, o cümlədən 32-si Moskvaya doğru uçann 287 PUA-nın qarşısını alıb və ya vurub.
Zelenoqrad, Ramenskoye, Odintsovo və Dubnada partlayış səsləri eşidilib.
Paşinyan Almaniyaya səfərindən sonra Moskvaya uçurdu və Avrasiya İqtisadi İttifaqının (Aİİ) Hökumətlərarası Şurasının iclasında iştirak etməyi planlaşdırırdı.
Moskvanın bütün dörd hava limanında - Şeremetyevo, Domodedovo, Vnukovo və Jukovskidə Rosaviatsiya təyyarələrin gəlişi və uçuşuna məhdudiyyətlər qoyub. Səhərə qədər bu məhdudiyyətlər aradan qaldırıldı. Moskva vaxtı ilə səhər saat 10:00 radələrində Vnukovo və Domodedovoda məhdudiyyətlər bərpa edilib.
TASS xəbər verir ki, Moskva hava limanlarında tətbiq edilən məhdudiyyətlər ucbatından ən azı 378 reys təxirə salınıb və ya istiqaməti dəyişdirilib. Xeyli sayda təyyarə Pulkovodakı alternativ aerodroma yönləndirilib.
“Vladimir vilayəti üzərində bir saat yarımdan çox müddətə iki beynəlxalq reys dövrə vurub: bir təyyarə Sankt-Peterburqa yönləndirilib, digəri isə havada qalıb, açılışı gözləyir”, - məlumatda deyilir.
Müdafiə Nazirliyinin hesabatına görə, ən çox - 118 pilotsuz təyyarə Bryansk vilayəti üzərində vurulub. Daha 40 pilotsuz təyyarə Kaluqa vilayəti, 27-si Tula vilayəti, 19-u Novqorod vilayəti, 11-i Yaroslavl vilayəti, 10-u Lipetsk vilayəti, 6-sı Smolensk vilayəti, hər biri Kursk və Oryol vilayətləri üzərində beş, Voronej vilayəti üzərində dörd, Ryazan vilayəti üzərində iki pilotsuz uçuş aparatı ələ keçirilib.
Telegram kanalımız
