Filippin gömrük əməkdaşları qeyri-adi və eyni zamanda təhlükəli bir hadisə ilə üzləşiblər.
Yenisabah.az xəbər verir ki, paytaxt Manilanın Ninoy Aquino Beynəlxalq Hava Limanında keçirilən yoxlamalar zamanı gömrükçülər şübhəli baqajlardan birini açdıqda, içərisindən 1500-ə yaxın canlı tarantul çıxıb.
Əl yükündə yerləşdirilmiş peçenye qutularının içində gizlədilən bu hörümçəklərin qanunsuz yollarla ölkəyə keçirilməyə çalışıldığı müəyyən edilib. Səlahiyyətli şəxslər bildirdiyinə görə, bu, Filippində son illərdə görülən ən böyük qeyri-qanuni vəhşi heyvan qaçaqmalçılığı hallarından biridir. pizza mizza
Tarantulalar dərhal təbiəti qoruma xidmətinə təhvil verilib. Hadisə ilə bağlı araşdırmalar başlanılıb və məsul şəxslərin kimliyi müəyyənləşdirilir.
Qeyd edək ki, Filippində vəhşi heyvanların qanunsuz ticarəti ciddi şəkildə qadağandır və bu cür hallar üçün ağır cəzalar nəzərdə tutulur.
Aydan Hacı
Telegram kanalımız
