Bakı polisi paytaxtın müxtəlif yerlərində reyd keçirərək, Qurban bayramı ilə əlaqədar qanunsuz heyvan satışı və kəsimi təşkil edən şəxslər barədə qanunamüvafiq tədbirlər görüb.
Yenisabah.az xəbər verir ki, bu il koronavirus pandemiyası şəraiti nəzərə alınmaqla qurbanlıq heyvanların kəsimində və satışında əvvəlki illərdən fərqli olaraq kütləviliyə, insanların sıx toplaşmasına icazə verilməyib.
Buna baxmayaraq, bəzi şəxslər bu tələbləri yerinə yetirməkdən boyun qaçırmağa cəhd ediblər. Marqarita pizza
Binəqədi Rayon Polis İdarəsinin (RPİ) əməkdaşları Biləcəri qəsəbəsi Asəf Zeynallı küçəsində qanunsuz və heç bir sanitar-gigiyenik qaydalara əməl edilmədən fəaliyyət göstərən heyvan kəsimi məntəqəsi aşkarlayıblar.
Binəqədi RPİ-nin əməkdaşı Qoşqar Kazımov bildirib ki, məntəqini təşkil edən vətəndaş barədə inzibati protokol tərtib edilib.
Reydlər gün ərzində paytaxtın müxtəlif hissələrində davam etdirilib.
Telegram kanalımız
