Bu gün Çempionlar Liqasında 1/8 final mərhələsinə start verilib.
Yenisabah.az xəbər verir ki, ilk oyunların iki matç keçirilib.
“Barselona” doğma meydanında ötən mövsümün finalçısı PSJ-ni qəbul edib. Ronald Kumanın komandası hesabı açsa da, qapısında 4 qol görüb. Kilian Mbappenin het-trik etdiyi görüşdə fransızlar böyükhesablı qələbə ilə növbəti mərhələyə vəsiqəni böyük ölçüdə təmin edib. pizza
Digər görüş isə koronavirusa görə Almaniyaya səfər edə bilməyən "Liverpul"la "Leypsiq" arasında Macarıstanda baş tutub. Budapeştdə sevinən tərəf nominal qonaqlar olub. İngilislər ikinci hissədəki vurduqları qollarla 1/4 finala bir addım yaxınlaşıb.
Qeyd edək ki, 1/8 finalın növbəti iki oyunu fevralın 17-də keçiriləcək. “Porto” “Yuventus”u, “Sevilya” Dortmund “Borussiya”sını qəbul edəcək.
Çempionlar Liqası
1/8 final mərhələsi, ilk oyunlar
16 fevral
00:00. “Leypsiq” (Almaniya) – “Liverpul” (İngiltərə) - 0:2
Salah, 53, Mane, 58
00:00. “Barselona” (İspaniya) - PSJ (Fransa) - 1:4
Messi, 28 (pen.) - Mbappe, 32, 65, 85, Kin, 70
Telegram kanalımız
