Vladimir Putin Çinin Tiancin şəhərində keçirilən ŞƏT sammiti çərçivəsində İran prezidenti Məsud Pezeşkian ilə görüşür.
Yenisabah.az interfax-a istinadla xəbər verir ki, Rusiya prezidentinin köməkçisi Yuri Uşakov qarşıdan gələn danışıqlar barədə bir müddət əvvəl deyib:
"İran bizim çoxdankı etibarlı tərəfdaşımızdır. Müzakirə ediləcək çox şey var, o cümlədən İranın nüvə proqramına dair vəziyyət". Dominos pizza
Uşakov xatırladıb ki, Pezeşkian 2025-ci ilin yanvarında Moskvaya rəsmi səfər edib.
Rusiya nümayəndə heyətinə xarici işlər naziri Sergey Lavrov, baş nazirin müavini Aleksey Overçuk, Prezidentin İcra Aparatı rəhbərinin müavini Maksim Oreşkin, Rusiya dövlət başçısının mətbuat katibi Dmitri Peskov və Prezidentin beynəlxalq məsələlər üzrə köməkçisi Yuri Uşakov daxildir.
Bundan başqa, danışıqlarda kənd təsərrüfatı naziri Oksana Lut, nəqliyyat naziri Andrey Nikitin, maliyyə naziri Anton Siluanov, energetika naziri Sergey Tsivilev, “Rosatom”un rəhbəri Aleksey Lixaçev, Hərbi-Texniki Əməkdaşlıq üzrə Federal Xidmətin rəhbəri Dmitri Şuqayev iştirak edir.
Telegram kanalımız
