Dünyanın ən varlı idman klublarının sahiblərinin adları açıqlanıb.
“Yeni Sabah” xəbər verir ki, siyahı “Ceoworld” jurnalının ekspertləri tərəfindən tərtib edilib.
Dərc olunmuş cədvəldə 42 ən varlı sahibkarın adı qeyd olunub. İlk onluqda Amerika Birləşmiş Ştatlarının (ABŞ) klublarına rəhbərlik edən milyarderlər dayanıb. Eyni zamanda onluqda adı keçən şəxslərin ortalama varidatı 125 milyard ABŞ dollarını keçir keçir. Dördpendirli pizza
Siyahıya amerikalı biznesmen Stiv Balmer rəhbərlik edir. Belə ki, 2014-cü ildə “Microsoft”un baş direktoru vəzifəsini tərk edən Balmer Milli Basketbol Assosiasiyasında çıxış edən “Los-Anceles Klippers”in rəhbəridir.
Siyahının ilk 10-luğunu diqqətinizə çatdırırıq:
1. Stiv Balmer - “Los Angeles Clippers”, 51,7 milyard
2. Devid Tepper – “Carolina Panthers”, 12 milyard
3. Filip Anşuts – “Los Angeles Kings”, “LA Galaxy”, 11,5 milyard
4. Stanley Kronke – “Los Angeles Rams”, “Arsenal”, “Denver Nuggets”, “Colorado Avalanche”, “Colorado Rapids”, 9,7 milyard
5. Ceri Cons – “Dallas Cowboys”, 8,6 milyard
6. Mikki Arison – “Miami Heat”, 8,1 milyard
7. Şahid Xan – “Jacksonville Jaguars”, 7,8 milyard
8. Stiven Ross – “Miami Dolphins”, 7,6 milyard
9. Robert Qraft – “New England Patriots”, “New England Revolution”, 6,9 milayrd
10. Daniyel Qilbert – “Cleveland Cavaliers”, 6,5 milyard
Yuxarıda adları qeyd edilən milyarderlərdən bəziləri ilə bağlı maraqlı faktlar toplamışıq. Belə ki, Şahid Xan Pakistanda orta gəlirli bir ailədə doğulub. 16 yaşından iş həyatına atılan milyarder bu yola qab yumaqla başlayıb. Amerikaya üz tutan Ş.Xan eyni zamanda, mühəndislik təhsili alıb. Uşaqlıq dönəmində qırıq radioları təmir edən milyarder Amerikada maşın hissələrinin yığılması işi ilə də məşğul olub. İdmana böyük marağı onu zaman-zaman bu sahəyə yönəldib. Milyarder olması isə pul yığmaq ilə başlayıb. İllər sonra yığdığı pulun üzərinə şirkətdən kredit götürərək bir az da pul qoyub və əvvəllər işlədiyi şirkəti satın alıb. Bunun ardından İngiltərə futbol klubu “Fulham”ın səhmlərini əldə edib. Daha sonra isə Amerikanın futbol klubu “Jacksonville Jaguars”i alıb.
“Arsenal”ın sahibi Stanley Kronkenin səmimiliyinə İngiltərə klubunun azarkeşləri inanmır. Belə ki, onlar milyarderin klubdan qazandığı pulları şəxsi mənafeyi üçün istifadə edəcəyindən narahatdırlar. Klubun uğursuz çıxışını da onun adı ilə bağlayan tərəfdarlar var. Fanatlar öz açıqlamalarında dəfələrlə bunun barədə açıqlama verib və bildiriblər ki, transfer siyasətini düzgün apara bilməyən şəxs klub rəhbərliyindən getməlidir. Onlar qorxurlar ki, “Arsenal”ı bütünlüklə ələ alan milyarder klubun maddi cəhətdən zəifləməsinə gətirib çıxardacaq.
Naibə Məmmədova
Telegram kanalımız
