"Qalatasaray"ın prezidenti Mustafa Cengiz mətbuat konfransı keçirib.
Yenisabah.az Türkiyə mətbuatına istinadən xəbər verir ki, idarə heyətindən namizəd çıxarsa, onu dəstəkləyəcəyini bildirən klub rəhbəri özünün namizəd olmağı düşünmədiyini deyib. Cengiz idarə heyətindən namizəd olmazsa, yenidən prezident ola biləcəyini vurğulayıb.
O, eyni zamanda klubun hazırkı baş məşqçisi Fatih Terim haqda da danışıb. Bildirib ki, yenidən prezident olsa, türk mütəxəssislə əməkdaşlığa davam etməyi düşünmür: pizza
"Prezidentliyə namizədlər açıqlama verdilər, Terimin yanında olduqlarını söylədilər. Amma mən eyni fikirdə deyiləm. Onunla yolları davam etdirməyi düşünmürəm. Prezident olduğum müddətdə Terimlə yeni müqavilə imzalamaram. Çünki mən onun düşməni imişəm. Abdurrahim Albayrak və dostlarla bir yerdə olduğumuz zaman "içəridəki və kənardakı düşmənlər" deyə ifadə işlətdi. Sonra məni hədəf alaraq başqa şeylər söylədi. Bunu anlamamaq üçün axmaq olmaq lazımdır. Üzr istəsə, məni razı salsa, fikrim dəyişə bilər".
Telegram kanalımız
