Avqustun 31-də "Qarabağ" Avropa Liqasının pley-off mərhələsində cavab görüşünə çıxacaq.
Yenisabah.az xəbər verir ki, Ağdam təmsilçisi son Sloveniya çempionu "Olimpiya"nı qəbul edəcək. Tofiq Bəhramov adına Respublika Stadionunda keçiriləcək oyun saat 20:00-da başlanacaq. Qurban Qurbanovun komandası ilk görüşdə 2:0 hesablı qələbə qazandığından onların qrupa düşmək şansı yüksək qiymətləndirilir. Komanda uğursuzluğa məruz qalaca]; halda isə Konfrans Liqasının qrupunda yarışmalı olacaq.
Bəs, "Qarabağ" Avropa Liqasının qrupuna düşərsə, orada kimlərlə qarşılaşa bilər? pizza hut
Qeyd edək ki, yarışda 32 komanda mübarizə aparacaq. Hər birində 4 iştirakçı olmaqla 8 qrup təşkil ediləcək. Qrupun qalibi 1/8 finala birbaşa vəsiqə qazanacaq, 2-ci yeri tutan həmin mərhələdə oynamaq üçün Çempionlar Liqasının 3-cüsü ilə yarışacaq. Avropa Liqasının 3-cüsü isə avrokubokda mübarizəni Konfrans Liqasının pley-off mərhələsindən (1/16 final) davam etdirəcək.
Qol.az bildirir ki, 32 klubdan 12-si qrup mərhələsinə birbaşa vəsiqə qazanıb. Digər 20 iştirakçı AL-in ilkin pley-off mərhələsinin qalibi və Çempionlar Liqasının pley-off mərhələsinin məğlubu olacaq.
Artıq Avropa Liqasının qrupunda yarışacaq 19 komandanın adı qətiləşib. Onların sırasında İngiltərənin "Liverpul" klubu da var. Son 13 iştirakçı ÇL-in bugünkü, AL-in isə sabahkı pley-off mərhələsindən sonra müəyyənləşək.
Hazırda qrup mərhələsində oynamaq hüququ olan 19 komanda bunlardır:
Avstriya: "Şturm"
İngiltərə: "Brayton", "Liverpul", "Vest Hem"
İspaniya: "Betis", "Vilyarreal"
Fransa: "Olimpik", "Renn", "Tuluza"
İtaliya: "Atalanta", "Roma"
Almaniya: "Frayburq", "Bayer"
Yunanıstan: "Panatinaikos"
İsrail: "Makkabi" Hayfa
Norveç: "Molde"
Portuqaliya: "Sportinq"
Serbiya: "Baçka-Topola"
İsveçrə: "Servett"
Telegram kanalımız
