Növbəti mövsümdən Azərbaycan 1-ci liqasında mübarizə aparacaq "Qəbələ" kapitanı Asif Məmmədovla bağlı qərar verib.
Bu barədə QOL.az saytına açıqlamasında 37 yaşlı yarımmüdafiəçi özü bildirib. O, "Qəbələ" ilə başa çatan müqaviləsini yeniləyəcəyini deyib: "Neçə illərdir ki, bu komandadayam. Bundan sonra da "Qəbələ"nin 1-ci liqadan Premyer Liqaya yüksəlməyi üçün əlimdən gələni edəcəyəm. Bizim aramızda müqavilə söhbəti olmur. Hələlik rəsmi sözləşmə imzalamamışıq. Amma komandada qalacağam".
Qeyd edək ki, "Qəbələ" Premyer Liqanın 2023/24 mövsümündə 10-cu yeri tutduğu üçün elitanı tərk edib. Dominos pizza
Xatırladaq ki, Asif Məmmədov 2015-ci ildən əyalət təmsilçisinin futbolçusudur.
Telegram kanalımız
