Oktyabrın 17-də saat 20 radələrində Qəbələnin Zərgərli kəndində 2 nəfərin güllələnərək öldürülməsi, 1 nəfərin isə xəsarət alması hadisəsinin təfərrüatı üzə çıxıb.
Yenisabah.az "Qafqazinfo"ya istinadla xəbər verir ki, hadisə kənd sakini Gülsadə Məmmədəliyevanın evinin həyətində baş verib.
Onun oğlunun başqa şəxsə pul borcu olub. Məsələyə onun tanışı Əlibaba Gəncimov qarışıb və qarşı tərəfə borcun vaxtında ödənilməsinə dair söz verib. Lakin G.Məmmədəliyevanın oğlu borcu vaxtında ödəyə bilməyib. Nəticədə onunla Əlibaba arasında narazılıq yaranıb. Sezar pizza
Mübahisənin münaqişəyə çevrilməsindən sonra Əlibaba Gəncimov tüfəng götürərək G.Məmmədəliyevanın yaşadığı evə gəlib. O, əvvəlcə G.Məmmədəliyevaya atəş açıb. Bunu görən qadının 23 yaşlı nəvəsi Nurlan Məmmədəliyev evdən tüfəng götürərək Əlibabanı güllələyib.
Atışma nəticəsində Ə.Gəncimov ölüb. Nurlan özü də müxtəlif dərəcəli xəsarətlər alıb.
Faktla bağlı başlanmış cinayət işi üzrə istintaq tədbirləri davam etdirilir.
Telegram kanalımız
