Qırğızıstan prezidenti Sadir Japarov xalqın dincliyini pozanlara sərt cəza vəd edib.
"Yeni Sabah" Kabar-a istinadla xəbər verir ki, Qırğızıstan Dövlət Milli Təhlükəsizlik Komitəsinin (DMTK) keçmiş rəhbəri Kamçıbek Taşiyevin istefası ilə bağlı suala cavabında bildirib:
"Xalqın dincliyini pozan hər kəs sərt cəza ilə üzləşəcək. Bunu etmək üçün həm zəkamız, həm də gücümüz var. Heç nə baş verməyəcək. Bunu faciəyə çevirməyə ehtiyac yoxdur. Hətta əvvəlkindən daha yaxşı olacaq. Həyat dayanmayacaq. Bir dostum getsə, arxamda 7 milyondan çox dostum var. Xalqımız və mübarək dövlətimiz mənim üçün ən əzizdir". Toyuqlu pizza
Japarovun sözlərinə görə, ölkə hakimiyyəti iqtisadi artımı artırmaq üçün işlərini davam etdirmək niyyətindədir.
"Daxili və xarici siyasət əvvəlki kimi həyata keçirilməyə davam edəcək", - deyə Japarov əlavə edib.
Fevralın 10-da Qırğızıstan prezidenti Japarov Dövlət Milli Təhlükəsizlik Komitəsinin rəhbəri Taşiyevi vəzifəsindən azad edib.
Qırğızıstanda 2020-ci ilin oktyabr ayında hakimiyyət dəyişikliyindən sonra Taşiyev müttəfiqi Sadır Japarov tərəfindən ölkənin xüsusi xidmət orqanlarının rəhbəri təyin edildi və o, daha sonra respublikanın müvəqqəti prezidenti olub.
Telegram kanalımız
